Skip to main content

Future historians will describe how the Ram Temple was built instead of the Babri Masjid

آگے آنے والا مورخ لکھے گا کہ بابری مسجد کی جگہ رام مندر کس طر بنا؟

🎤حضرت مولانا سید ارشد مدنی

امیر شریعت ہند و صدرِ جمعیت علماء ہند و استاذ حدیث دارالعلوم دیوبند انڈیا

اس ملک کا دستور سیکولر دستور ہے اور سیکولرازم کی حفاظت جمعیت علماء نے کی ہے، اگر جمعیت علماء نے ملک کے سیکولر دستور کی حفاظت نہ کی ہوتی تو آج یہ ملک سیکولر ملک باقی نہیں رہتا؛ کیوں کہ چند لوگ تھے جو گاندھی جی کو مجبور کر رہے تھے کہ ملک اب سیکولر ملک نہیں ہوگا، لیکن جمعیت علماء کے سامنے گاندھی جی، پنڈت جواہر لال نہرو جی اور دوسرے لوگ بھی مجبور ہوئے اور انہوں نے سیکولرزم کو قبول کیا اور اس طرح جمعیت علماء کے اس مطالبے سے کبھی کانگریس باہر نہیں جا سکی اور اگر کبھی کانگریس باہر نکلنے کو دائیں بائیں ہوئی تو کوئی نہیں بولا جمیعت علماء تنہا وہ جماعت تھی جس نے جیل بھرو تحریک چلائی، اور مجھے خوب یاد ہے ہے کہ اس موقع پر جمیعت علماء کے سارے ملک کے لوگ دلی کی کالی مسجد میں تھے۔ اندرا جی نے سفید کاغذ کے اوپر دستخط کر کے جنرل شاہنواز کو بھیجا کہ آپ کے جو مطالبات ہیں اس میں لکھ دیجئے، اس میں میرے دستخط موجود ہیں اور مجھے وہ مطالبات منظور ہیں۔ اس تحریک کو ان کے وعدے کے مطابق ختم کردیا گیا۔

 آج کے لوگ جانتے بھی نہیں کہ جمعیت علماء نے کیا کیا ہے؟ ان کا خود کوئی کردار نہیں وہ جمیت علماء کے کردار کو کیا جانیں گے؟

آگے آنے والا مؤرخ لکھے گا کہ بابری مسجد کی جگہ رام مندر کس طرح بنا؟

آج اس سیکولرازم کو ختم کرنے کی بات کی جا رہی ہے، میں یہ سمجھتا ہوں کہ ایسا کرنے والے اس ملک کو بربادی کی طرف لے کر چل رہے ہیں۔

ان کو صرف دو سیکولر کھٹکتے ہیں، ان میں سب سے پہلے مسلمان اور دوسرے درجہ کے اندر عیسائیت ہے۔

ہم جس سیکولرزم کو لے کر چلتے ہیں، ہم کہتے ہیں کہ تنہا مسلمان نہیں بلکہ ہر اقلیت چاہے وہ عیسائیت ہو یا چاہے برائے نام یہودیت ہو یا کوئی بھی اقلیت ہے۔

جب ملک کی آزادی کے وقت اس کا دستور سیکولر دستور ہے تو وہ سیکولر دستور رہے گا۔

اگر آپ اس سیکولر دستور کو ختم کرکے یہ چاہیں گے کہ ملک کو سلامتی کے ساتھ لے کر چلیں تو ملک سلامتی کے ساتھ نہیں چل پائے گا۔

یہ پچیس تیس کروڑ کی مسلم اور عیسائی اقلیت کے ہوتے ہوئے آپ یہ چاہتے ہیں کہ ملک کے اندر امن برقرار رہے گا اور ان کو زندگی کا حق نہیں دیا جائے گا، دستور میں ان کا کوئی مقام نہیں ہوگا یہ نہیں ہو سکتا۔

آج آپ کے ہاتھ میں طاقت ہے، آپ یہ سمجھتے ہیں کہ جس مسجد کو چاہے لے لیں، جس طرح چاہے لے لیں۔

آپ نے جس مسجد کو لیا ہے وہاں بھی ٹھوکر کھائی ہے، ہم جانتے ہیں، جمیعت علماء نے اس کے کیس کو لڑا ہے، جس دن سے مسئلہ چل رہا ہے سن 51، 52 سے اس وقت سے لیکر آج تک جمعیت علماء اس کے کیس کو لڑتی رہی ہے، ہم نے کتنے کروڑ روپیہ اس کے اوپر لوور کوٹ، ہائی کورٹ اور سپریم کورٹ کے اندر خرچ کردیا، ہمارا کوئی پیسہ نہیں تھا، قوم نے دیا ہم نے اس کو خرچ کیا اور ہم برابر لڑتے رہے۔ مسئلہ کیا تھا لڑائی کا؟ مسئلہ آپ سمجھیے، ہم لڑنے والے ہیں، ہم جانتے ہیں، مسئلہ یہ تھا کہ جس جگہ بابری مسجد بنی ہے وہ مسجد کی اپنی جگہ ہے یا یہ رام جنم بھومی ہے، یہاں رام کا مندر تھا، بابر نے اس مندر کو توڑ کر مسجد بنائی ہے۔ مسئلہ یہ تھا، اسی مسئلہ کے اوپر ہم لڑائی لڑ رہے تھے۔ آپ کو یاد ہوگا کہ آثار قدیمہ نے اس کی کھدائی کروائی، تاکہ مندر کے باقیات نیچے سے نکلتے ہیں یا نہیں، باقیات نہیں نکلے، کوئی پتھر نہیں نکلا، کوئی ستون نہیں نکلا، اور آثار قدیمہ نے اس کے اندر کامیابی حاصل نہیں کی۔ اب آپ دیکھیے کہ ملک کی سب سے بڑی سپریم کورٹ عدالت ہے، وہ عدالت اپنے فیصلے میں کیا کہتی ہے، اس فیصلے میں عدالت نے کہا ہے کہ مسجد اپنی جگہ ہے، کسی مندر کو گرا کر مسجد نہیں بنائی گئی ہے، مسئلہ ختم ہوگیا، ہمارا جو مقدمہ پچاس ساٹھ ستر سال سے چل رہا تھا ہم اس مقدمے کے اندر کامیاب ہیں کہ بابر نے اپنی جگہ مسجد بنائی ہے، مندر توڑ کر مسجد نہیں بنی ہے۔ ہم مسلمان ہیں، ہم جانتے ہیں کہ اگر کسی دوسری جگہ کے اوپر مندر توڑ کر مسجد بنائی جاتی وہ مسجد مسجد نہیں ہے، مسجد وہ ہے جو مسجد کی جگہ ہے اور اس جگہ کو وقف کیا گیا ہے۔ ہم تو اس مقدمہ کے اندر کامیاب ہیں۔ جب یہ کہہ دیا گیا کہ مسجد اپنی جگہ بنی ہے مندر کو توڑ کر مسجد نہیں بنی۔

دوسرا فیصلہ کیا ہے؟ دوسرا فیصلہ یہ ہے کہ جنہوں نے اندر گھس کر مسجد میں مورتیاں رکھی ہیں وہ مجرم ہیں، انہوں نے غلط کیا ہے، مسئلہ ختم ہوگیا۔ سننے والے سن رہے تھے فیصلے کو کہ فیصلہ اپنی جگہ پر تھا کہ یہ مسجد کی جگہ ہے ہے، لیکن یہ الگ بات ہے کہ فیصلہ یہ دے دیا گیا کہ یہ جگہ ہم ہندوؤں کو دیتے ہیں۔ ٹھیک ہے آپ نے دے دی، ہم اپنے مقدمہ کے اندر کامیاب ہیں، ہم آج نہیں بولتے، نہ ہمیں بولنا چاہیے؛ اس لیے کہ ملک کی جو سب سے بڑی عدالت ہے اس نے یہ ہندو بھائیوں کو دے دی، ہم نہیں بولتے، ہم ہزار دفعہ یہ کہہ چکے تھے کہ یہ ہماری آخری لڑائی ہے، سپریم کورٹ ہمارا سپریم کورٹ ہے، ہم اس ملک کے رہنے والے ہیں، سپریم کورٹ جو فیصلہ کردے گا، ہمیں وہ منظور ہے، سپریم کورٹ نے فیصلہ کر دیا، ہم اپنے گھر بیٹھ گئے، ہم خاموش ہیں، ہم نہیں کہتے کچھ، لیکن دنیا ختم تو نہیں ہے، ہم ختم ہو جائیں گے مگر آگے آنے والا مورخ لکھے گا کہ بابری مسجد کی جگہ پر مندر کس طریقے پر بنا ہے؟ ہم نہیں بولتے، لیکن کیا آنے والی دنیا خاموش ہو جائے گی؟

یہ تو دنیا کے حالات ہیں، کل کوئی اور تھا، آج کوئی اور ہے، اگر ہم یہ سمجھتے ہیں کہ ارشد ہمیشہ زندہ رہے گا، تو پاگل ہے، مرے گا، میری جگہ کوئی دوسرا آ کر رہے گا، یہ تو دنیا ہے، یہاں اسی طرح آنا جانا لگا ہوا ہے۔ ایسی ذات جو ہمیشہ سے ہے اور ہمیشہ رہے گی میں کہتا ہوں وہ اوم ہے یعنی اللہ ہے۔

فیسبک پیج "دار العلوم دیوبند انڈیا" کو Follow, Like & Subscribe کریں 

Comments

Popular posts from this blog

10 Amazing Benefits of Eating Dates | کھجور کھانے کے ۱۰ حیرت انگیز فائدے

کھجور کھانے کے ۱۰ حیرت انگیز فائدے کھجور دنیا کا سب سے صحت مند اور انتہائی غذائیت مند پھل ہے۔ اگر آپ مضبوط ہڈیاں، چمکتی ہوئی جلد اور صحت سے متعلق دیگر فوائد چاہتے ہیں تو آپ کو اپنی غذا میں کھجور کا باقاعدگی سے استعمال کرنے کی ضرورت ہے۔ تحقیق کے مطابق اگر کوئی مسلمان روزہ کھولتے وقت پانی کے ساتھ پانچ یا چھ کھجور کھا لے تو اس کو کچھ اور کھانے کی ضرورت نہیں رہتی، اس کی ساری کمزوری دور ہوجاتی ہے۔ کھجور میں میں کیلوری کی مقدار بھی دوسرے خشک میوہ جات جیسے کشمش اور انجیر کی طرح ہے، اس میں ریشہ، پروٹین، پوٹاشیم، میگنیشیم، آئرن اور وٹامن بی کی بھرپور مقدار موجود۔ آئیے! دیکھتے ہیں کہ صبح سویرے کھجور کھانے کے کتنے فوائد ہیں: ۱۔ کھجور کا ریشہ ایک پاورہاؤس ہے جو نظامِ ہاضمہ کو بہتر بنانے اور قبض جیسے مسائل کو ختم کرنے میں معاون ثابت ہوتا ہے۔ ۲۔ صبح کے وقت کھجوریں کھانے سے آپ کو تھکاوٹ سے نجات ملتی ہے۔ ۳۔ جب آپ صبح سویرے کھجور کھاتے ہیں تو آپ کی جلد نکھرتی ہے اور ایکنی جیسے مسائل سے بھی چھٹکارا حاصل ہوتا ہے۔ ۴۔ کھجور آئرن کا ایک بھرپور ذریعہ ہے، جس میں خون کی کمی اور خون کے بہاؤ کو روکنے کے لئے آئرن...

مختصر جامع سوانح حیات

  مختصر جامع سوانح حیات 5 دسمبر ۔۔۔۔۔۔ 1957ء ۔۔۔۔۔۔۔ 63 واں یومِ وفات شیخ الاسلام شیخ العرب والعجم حضرتِ اقدس مولانا سیّد حُسین احمد صاحب مدنی نوّر اللہ مرقدہ ، سابق شیخ الحدیث وصدرالمدرسین دارالعلوم دیوبند و صدر جمعیۃ علماء ہند از : محمد طاھر قاسمی دھلوی ابن حضرت مولانا قاری دین محمد صاحب قاسمی میواتی ثم الدھلوی رحمۃ اللہ علیہ ، حوض رانی نئی دھلی انڈیا آپ اسلامی ہند کے شیخ الاسلام ، دارالعلوم دیوبند کے صدرالمدرسین و شیخ الحدیث ، جمعیۃ علماء ہند کے صدر ، ہزاروں علماء کے جلیل القدر استاذ ، لاکھوں انسانوں کے مرشد کامل اور سیاست و طریقت کے امام تھے ۔ آپ اپنی جامعیت کے اعتبار سے " ان ابراھیم کان امۃ" کی تفسیر تھے ، کیوں کہ آپ بیک وقت علوم و معارف کے امام ، مجلس ارشاد و سلوک کے صدر نشین ، عزیمت و استقامت کے پہاڑ ، فقر و تواضع کے نشان ، بصائر و حِکم کے سرچشمہ ، زہد و قناعت کے مجسمہ ، اخلاص و ایثار کے پیکر ، سخاوت و شجاعت کے مخزن ، میدان صبر و رضا کے شہ سوار ، قافلۂ جہد و عمل کے تاجدار اور سلفِ صالحین کی مکمل و متحرک یادگار تھے ۔ ولادت : آپ کی ولادت 19؍ شوّال المکرّم 1296ھ مطابق 6...